Hou Ran Online : April-May-June 2012

                 2012 rou Matric prikhara 18th position dakur               Morungpham(Gideon) le wari sakril

Matric topper Gideon ( Morungphom ) le Hou Ran Journal ya publish tou Maring Progressive Forum yei executive rap l

Imphal Phulwa 18:    Board of Secondary Education, Manipur rei kalou Class-X Examination 2012 ra 18th position khung  Ks. Angrung Kanshouwa, Lecturer United College, Chandel heirou Ks. Shanti Kanshouwa yakhu shangrammei khanitam kalung cha Keishang Morungpham (Gideon) Kanshouwa lê Hou Ran murilbi wari shanei paoyun:

Hou Ran : Lamkrini anakshi kheen pipi Dunpuya chouni mathanglei hei thangrou anakshi Maringngayei mai tangni yenthuk pi Louyang Morungpham, ukning pilnei salam kou kalohni nungkangai phungthutlei.

Morungpham :   Keiyei khi baimak nungkangai hoilei.

H.R. :  Nei maipak nei credit huinung pinilei?

Morungpham :  Nuwi-Pawa, Ocharab, Paluirab lê Dunpunung pinilei.

H.R. : Maringnga hoini Matric Prikhara nangni namrou wei rank chouni hungnarou nei ukningra kou khallei?

Morungpham : Manâk khad rari nungkangai hoilei heiya manâk khad rari wakhal sukna hoilei ngamri dei limrab lê markhe yainung 18th position tou ari baimak nimlei hui.

H.R. : Nung khadrou lailik pung kounak pâko?

Morungpham :          Nung khadrou lailik pung khani tomcha ukning kyaoni pâ.

H.R. : Nei rungchaannei pamri kouko?

Morungpham : IIT touni lei.

H.R. :              Hillei katyou maringnga marnorab nung kou yunni leiko?

Morungpham :          Kei yunkniri “Maipak touri kallei lakkana yei hilthung”.

H.R. : Maring Progressive Forummei phung Hou Ran nei ngamra nei yunkni leileiko?

Morungpham : Maringnga thimiyei kamu mutthutna khwaiyei tâng platform hoilei heirou ani Maringnga yei tângbangnara baimak  tâng hokârkhad hoilei toubi yunnilei.

H.R.: Kalengni mathanglei, nei hillei rungchaanrou Dunpuni kalohpi hoiyaso.

Morungpham :          Heini keiyeikhi baimak nungkangai hoilei.

            PMT yei topper lê murilbi wari sakril

MBBS topper Makunga Joysee le Maring Progressive Forum mei executive rap

Phunal Sambam, Thunma 17 :  Manipur Pre Medical Test 2012 ra passed toukur Maringnga napung ani min hoini :

1. Makunga Joysee Maring

M. Kodun lê M. Nagani (graduate teacher) yai cha, Phunal Sambam Yul.

2. Konaishang Ronglo

R. Koshel lei cha,

Khangshim Yullai.

3. Salung Morung (Sebastian)

S. Moses lê S. Rawonla yai cha, Leibe Yullai.

4. P. Messengeorge Dansgshawa Dp. Kodar lê Dp. Darshim yai cha, Khukarthil Yullai.

5. K. Moyangthel Marem

K. Khamsha Marem lê

K. Topem Marem yai cha, Saishim Yullai.

6. Hongsha Bongkimshaang

H. Amoshel lê Adi Hongsha yai cha, Biyang Yullai.

7. Dangsha Mothilphun Maring D. Memong lê D. Tomui yai cha, Marimchi Yullai.

            Ya napung ani lakra ST rank chouwei (3rd rank ST) hungkur M. Joysee lê Hou Ran murilbi wari sarilnei paoyun:

Hou Ran :        Reidang Joysee baimak nungngaiwora nei maipak heini  ukningra pil hei

Hou Ranni yunthuk kou kalonni mathanglei.

Joysee :            Keinungkhi heini nungkangai hoilei.

H.R. :   Nei maipaknei secret yunpilo. Nei maipaknei credit ri huinung pinilei.

Joysee : Dunpuya sak kamu heirou pui-pa lê ochaya chi rikkrai. Heirou credits ri nuwi pawa lê ocha nung pinilei.

H.R. :      Maringnga napuiya lakra Manipur PMT ra touri ralkur kum kounak rou youbi kumtu bilrou nangni rank chouchi lei. Heini Maringnga napuiya lakra rank chouwei hungnarou nei ukningra kou khallei?

Joysee :            Baimak nungkangai hoilei ngamri keiyei khalkhou heirouwei duini yenpha nei ngammei. Hilroukhi duini langai yenna nung laknarou.

                                       

H.R.:   Nei medical prikha nung marshik yainung lil hoiyei darkar hoi hei kouko?

1. Yai (Luck)

2. Lakna kal

3. Enviroment

4. Lapâ

5. Pui-Pa yei trumpi

6. Coaching Institute

Joysee :  Kei wakhal rari 1.Lakna kal

2. Pui-Pa, Ocha yei trumpi.

H.R.:    Nei katyou kur schoolrab yunpilo.

Joysee : Class X ni Padma Ratna (P.R.) Kakching heirou Class XII ni Millenium Institute of Science rei luilakkur.

H.R.: MBBS prikha lhanung marshik yainung heirou prikha lakrei nei suikur bai yunpilo.

Joysee :            Coaching Institutionrei ocharabbei shunpi takpinara confuse bai leikur. Heirou prikha lakra nervous leikur.

H.R. : Kounaksi guide ya nei yarengkur? Pradeep? Dinesh? Nimanung dei? Kou ngammei?

Joysee :            ABC ngamri keinung âni pânung nungkangai.

H.R. :              Prikha ânung koutoubi marshikrou/lailik pârou heirou pung kounak pâni lhangairou? Yunpilo.

Joysee :            Ngalapcha hoiyanung khi ukning changni pâni lhangai tou yunnilei.

H.R. :   MBBS nimanung MD loubi nei hilrou tounung lhou kouko? Civil services nimanung dei kou touweise khalko?

Joysee :   Heiri ningnga hilrou thibi tourouwa.

H.R. : Kâi limmei education tangbang choubang changmak â pui-pa rabbei nimanung douwa rabbei ruineiko?

Joysee :  Kei khalnarari pui-pa lê douwa rabbei ruimeh.

H.R. :   Asiyei Maringnga douwa rabbei meila tlouni duiyei yunkni kâi tlouri koukhi nimak naksi khalrillei. Âi ngamrou kou yunnilei?

Joysee : Maringnga khad hoini kâi tlouya yunyernilei. Pui-pa rabnikhi douwa rabnung yunmarno yer nilei.

Kalengni Shimbang nanung Kartuk

Yaipharok, Phulwa 6:     The Maring Students’ Union (MSU) ni North langrei klei Maringnga marnorabya lhangaini thilak pimak meh toubi ukning pilmakkei tloubam kounak marnorabni khoukur. Kalohni 1983 rouwei waiyoukur The North Maring Students’ Union (MNSU) hei kum kounak lhoutou makni loulei yanungkhi kalengni shimbangbi North langrei klei marnorabya lhaingaini thilak nanung toubi ralkur Phulwa 6, Cherni tlaini heirou MNSU committee ranni khalkur. Rannei khalbangkur lhou-ur rabri

1. K. Korung Kleya                President

2. M. Moshil Dangshawa        Gen.  Secy.

3. A. Korung Kleya                J / Secy.

4. Th. Mekhulji Kleya             Finance Secy.

5. Ks. Mongam Kanshouwa   Edu. &            Statistics

6. S. Mephom Dangshawa      Info &             Publicity

7. Ml. Mothil Kanshouwa       Games & Sports

8. Khulpu Shangkhu               Magazine

9. Ks. Khushim Kanshouwa   Treasurer

    Maring Literature Society (MLS) yei General Secretary le wari sakril

Phungthil, Thunma 18:   Maringnga yei Literature Society committee member M. Kodârkhum lê Hou Ran murilbi wari sanei paoyun:

Hou Ran :       Ochaba neiyei wakhalra Maringnga yei Alphabet lê spelling ngei ngamrou asi rampha solution yenchang mak â kousui lei neiko?

Kodârkhum :                Keiyei khalnarari kailakra lhoubam âyei subject expert makneimeh tou khallei.

Hou Ran : Ochabai khal nara, koutou lanung ri solution yen manirouko?

Kodârkhum :                Letter khad lib tou âri kaiyei indigenous wordsni librou heini dei limmei expertrab lê group discussion tou heini solution yenrou tou khallei.

Hou Ran : MLS yei churbang nung lhou koukou leiko?

Kodârkhum :                Alphabet mayebi spelling libbini lamkrini primary levelbil marno yerna nung laknalei.

       AIEEE topper lê mukril...

AIEEE rou All India khoini ST ra 6th rank daakur Molung Koyaingam Kanshouwa

Imphal, Thunma 20:      All India Engineering Entreance Examination 2012 rou All India hoini ST ra 6th rank hungkur Kiddies Corner School Chingmeirong ra class - X heirou Herbert School ra class - XII luilakkur kalonni class -XII hek luilakbi lhaini 24 tom engineering coaching toubi AIEEE ST ra all india hoini 6th rank phakur M. Kothil Kanshouwa lê

M. Temui Kanshouwa yei cha Molung Koyaingam Kanshouwa lê Hou Ran murilbi wari sanei paoyun:

H. R. : Louyang Koyaingam baimak nungailei duini mathanglei kalonni neiyei baimak tangngei maipak phanarou nei wakhalra kou khallei?

Koyaingam : Nungkangai heiya ukningra pilmak bairi klei ngamri kei toukhou lê result lê bai karlik leilei.

H. R. : Nei maipak nei creditri huinung pinilei?

Koyaingam : Keiya pukpi nuwi pawa, charyor teinorab, paluirab heirou ocharab nung pilei.

H. R. :             Nungkhadrou prikhanung lhim pung kounak lailik pâko?

Koyaingam : Nungkhadrou phung phanga malri pâ.

H.R. : Prikhanung kounak objective books pâko heirou koungammei?

Koyaingam : Kei objective booksri yereng chamak. Heiya ralkur prikha kounakrei ngaikur objective questions heilê formularab mayethudbi comparision tou ngamri ânak prikha nungri objective questionrab â baimakni lilkhoi tou yunnilei.

H. R. :             Neiyei engineerring luilakbi koutourou ningcha leiko? Kou ngammei..

Koyaingam : UPSC tou nilei ngamri heini Maringnga tangbang nanung louchur nara baimak keinung mantrang hoirou khallei.

H. R. :             Maringnga marnorab nung kou tlou yunnileiko?

Koyaingam : Kei yunkaniri Class XII courseya khaminni munanung lakkana heinakrimni Class XI course khi khaminni mulanungri baimak lhangairou.

            Heirou thimi deiyei marklê competition tounung lhimri kei tamtommei markya duini phananung lakkanani lhangai. Hei toubi classrei ocharabbei marno pikur hei namma lhangaini giyal dananung lakkana heini khawairou lhangai tou yunkani.

H. R. : Maringnga douwarabbei kâi tlou yunmakni Meila tlouya duiyei yunkril âyei ngamrou kou yunnilei?

Koyaingam : Kâi tlou yunmak â rikrai kana hoilei. Kâi mairei matil mathuklak lê malnalei toubi khallei. Heirou Meila tlou kyunni kai lim tangbangrou toubi khalmaklei.

H. R. : Hou Rannei ngamra nei kamu heirou yunkani kouleiko?

Koyaingam : Mathanglei, ngamri shulbi kalei Maringngaya Hou Ranni ngam hoibi tangbangrou khallei. Heirou tlaipang âni leileiyen Maringnga nung lhou churmani hoiniyaso.

Hou Ran Online : January- February - March 2012 Issue

-->

                           Maringa Literature

M. Moshil Kanshouwa

Maringa limyei       Literature  standard chwoume, dhunme Literature  

chwoubeikhi ,      dhunbeikhi    pwu khoi limthimini kansehr   naymakurame. 

Heingamni kwum kantang, lwainii kantang Maring literature yhenmanglei. Khinn ahrou, 

asinung kansehr youmanungri Maringa limyei literature hilnungri kuruna khat yenhoirou

mallurame. Maringa limyei thimini literature ahnung ngamra wakhall pimakni lhouhoimakni 

leithunganri kleikhou literature 100 heiri 25 hoini leiwurou.

Kleikhou heirou we i kmahngkur heiya hannui rapfa rou wong heiri

yuiitingra dalhakkur puwtya rapfale khatnaksini  yenhoiroume, hunghoi roume.

Keiyei wakhal rari literatu- re ahni thimiyei saarungra manshambaang

hoikanna.  Manshamnung   puwtlimyei   thhang heini kanshamnei malleenei

kwull uwurthut mani.  Thimi dhei maibangra mallee pahmbeikhei

malleenung puwtchei makkanri rikray fawurouwa.   Lwaipaang thimi khoi

kayei wakhallri thimini thimiya kharit khyangkannayb i  “ k a n r i n g

(karning) Dhun” ahwong kannayrilme.  Lhoutang thuwkna khatyei khahngra

fallfei   kyaonung   lhangai   lhagaiyei puwtcheiya   martuwmbi khoukaril.

Lhoutang  kummoi  kyanung  lhangaiyei kanshambi malleeme. Kansham

manimak thimi yari deithimini lhouwoinamak. Ahriyame limyei khoi

literature kanree kandang hoima nungri kanring (karning) lim hoiyurou.

Literature kanring lim hei yari dei limni thiesitpime.

Ahngtu ahbilra Maringa limyei thimikhat  hoini Keini kansehrnara Maringara 2%, wormangnara 98% hoibeini leileime . Asi kuyun ahri Maringa limyei thiminiri malungkha louhoirou. Ngamri Maringa limyei khoi klei lwou heiya kansehrpi thimi maknei

heingamyei kuyunme. Maringa thimini khheising katduynei, lailik khhei katduynei lim Maringanung kakanna heiya yhenlhaknung lhangra lim deiyeilwouya yaal karchwu karchwumak thimakni standard kleikur kansabei yrengnicha Maringa thimiri heikanna

“Lamgi shanna machi sahn i ” , wakhal ra kanthang heiyaso

“Aarhong waayei wongya Aak waa ahni kansha”

“ Ahaidai lingbi Ahaitrungsan hoini katpukmak”, “Keiyei  lunglaagbao twonmakni deiyei lunglaagbao twonbi ” Ahnaksi thimini Maringa limra chuwngura. Heinaksi heiya hoimaknung

kuyunpi thimi ahyari karhaalpilei. Maringa limnung khoini kuyunkanniri dhunbi klei Maringa

literature khumuk lungni twoupi hoilanri literature mangmarou . Heiya

Maringa limyei  literature lungshipi thimini Maringa lwoura khwun,

taan , tahng , chhou , khannim, marnim ahyei hilthungni   spelling

kannainung. Heiya kuyunri khwun lailai hoi, mayeeri spelling khattomra.

Ahriyame literature termra 75% mangurouwa.

Heingamnung lhim thachari:-

Ang, Angba, Angkum,

Angi, Angtu, Angura,

Angtar, Angba,

Ahngkwum, Ahngi,

Ahngtwu, Aangura,

Aangtar.

M a r i n g a t h i m i yhoukannari thisitkril, tangchakaril ahya workhou

lwainii heirouwei yhoubi Maringa Literature thhang  klei hoirou malleime.

                                                                     Maring Students’ Union nei Office

Maring Students’ Union nei President Ch. Moshun duini âiyei committeerab lê MSU nung lhim  chancha bini BRGF nung scheme  l o u b i ni Grace Baby Class ,  Maringphai pangrei kat shabangbi  klei MSU office â ralkkur Mayun   (Dec.) 2011 rou waiyoukur hei   Sunna (Apr.) 2012 ril wairou   luilak nanung touroumeh toubi   MSU General Secretary, Ks.   Leinaikhamni uklum kya tloubam khoulei.

                                           MPSC yei prikha


2011, Manipur Public
Service Commission yei
dakrei prikha lânarou
Maringnga napung phli
preliminaryra passed toulei.
Thimi heirabri

1. Kodunson
Makunga, Minou
2. Kotrim Saka,
Chingkhan yonyer
3. Paul Nangsha,
Beaulahram lê
4. Parhai Kothil, W.
Phunal Maring.
5.Reikimdaar Khaling
Nanamma main exam
heiroukhi maipak hoiyaso.

                                                Lamkriyei Scientist

                                         Thangsha Dominic Kanshouwa

  A s i n u n g D e f e n s e R e s e a r c h & Development Organisation,

Bangalore rei klei. Kum 2002 rou wayoubini Airworthiness & Certification of Military Aircraft ra

lhou churbini leilei. MPFni âya murilbi tlou yunril narou, Maringnga Marnorab

nung asi toubini kyun, “Marno hukhatni Scientist hoikni yaowanungri âmasa

school rungchaan rou wayoubi âiyei kaningei ngamra lhangai duini kmu

hoirouda. Duini Science lê Mathematics ra ukning  kyao hoirouda”.

                                Christianity Ngamra Rev Kt Ami leh wari sakril

Christian ngamra  Rev. K.T. Ami lê Molung  M o s h i l K a n s h o u w a  mwurilbei lwou kuyunril.

MMK : Owchalê lwou   karbaanna khien fanei    Dwunpuya mathangchalei.

Owchaba Springle, Immersion khanni ahyei karlhikri

kwouwu?

Ami : Immersion ahyei  ngamri khieya manibi rhingbang , khieya  maniwura, Ahyei ngamra

Baptism klounung   counselling klouya  mayekloubini Springle   kloukur thiminikhe yayakhi

Immersion twoupilo  sunchanei keini Immersion  loupikur thimi napung 8   (chot) hoiyurame.

MMK : Owchani baptism  loupikur thimi kounhat

fawurawu?

Ami : Keini baptism loukur   thimisingri kandangniri   yunri manimakura 846 ri    duiwurame.

MMK : Mathangchalei,   Owchabani baptism klouna   programra hoikur ngamra   wari beicha sutpilo.

Ami : Keini baptism  klounara thimising chuwng-ri  Uwuipu yhultang thime 37,   thangra 

Konaitong yhulra  thimi 30. Dei dei   n g a m r a r i C h r i s t i a n  tharmoya karhakbei tarra

 hoikur thimirapni keiyei  counsellingya loulhakbbaptism kloukur ngamra

D w u n p u r a p e e l n a hoikurme.

MMK : Owchaba keinikhe uwukra peellurame. Heiya
Owcha wari yehngpilo.


Ami : Maringa chiengsang kanchani kanthang  hoinakhou Non Christianni thangkanna 
thhim Y. Mothil chhei 93 Langol Khunou ( thimirapni patar  Langkhahng), Patar ahni keiyei 
counsellingya  lhangaini loulhakbi 2011 kwumra baptism loupikurme. Keiyei  tarra  
nipawa      nipiyarap baptism loukur  heirapri -

1. Dl.
Mothil chhei 87

2. Teon chhei 80,

Sandangsenba

3. A. Modahr chhei 86, W/

phunal

4. T. Koshil chhei

95, Kangoi yhultang

5. D. Kofam chhei 85, Satang


6. Dl. Tungtrim chhei 75,

Kampahng

7. D. Tedun

chhei 70, Langol

8. Dl. Angte chhei 97

9. D. Tungdahang, Tuinem

10. Y. Mothil (Langkhahng)
chhei 93

                           Maringa Literature

M. Moshil Kanshouwa

Maringalimyei       Literature  standard chwoume, dhunme Literature  

chwoubeikhi ,      dhunbeikhi    pwu khoi l i m t h i m i n i k a n s e h r   naymakurame.

Heingamni kwum kantang, lwainii kantang Maring literature yhenmanglei. Khinn ahrou, 

asinung kansehr youmanungri Maringa limyei literature hilnungri kuruna khat               

yenhoirou mallurame. Maringa limyei thimini literature ahnung ngamra wakhall 

 pimakni lhouhoimakni  leithunganri kleikhou literature 100 heiri 25 hoini leiwurou.

Klei khouhei rouwe i kmahngkur heiya hannui rapfarou wong hei i

yuiitingra dalhakkur puwtya rapfale khatnaksini  yenhoiroume, hunghoi roume.

Keiyei wakhal rari literatu- re ahni thimiyei saarungra manshambaang

hoikanna.  Manshamnung   puwtlimyei   thhang heini kanshamnei malleenei

kwull uwurthut mani.  Thimi dhei maibangra mallee pahmbeikhei

malleenung puwtchei makkanri rikray fawurouwa.   Lwaipaang thimi khoi

kayei wakhallri thimini thimiya kharit khyangkannayb i  “ k a n r i n g

(karning) Dhun” ahwong kannayrilme.  Lhoutang thuwkna khatyei khahngra

fallfei   kyaonung   lhangai   lhagaiyei puwtcheiya   martuwmbi khoukaril.

Lhoutang  kummoi  kyanung  lhangaiyei kanshambi malleeme. Kansham

m a n i m a k t h i m i y a r i deithimini lhouwoinamak. Ahriyame limyei khoi

literature kanree kandang hoima nungri kanring (karning) lim hoiyurou.

Literature kanring lim h e i y a r i d e i l i m n i thiesitpime.

A h n g t u a h b i l r a Maringa limyei thimikhat hoini Keini kansehrnara Maringara 2%, 

wormangnara 98% hoibeini leileime  Asikuyunahri Maringa limyei thiminiri malungkha 

louhoirou.  Ngamri Maringa limyei khoi klei lwou heiya kansehrpi thimi maknei

 

heingamyei kuyunme. Maringa thimini khheising katduynei, lailik khhei  katduynei lim 

Maringan u n g k a k a n n a h e i y a yhenlhaknung lhangra lim  deiyei lwouya  yaal karchwu 

karchwumak  thimakni  standard kleikur kansabei yrengnicha Maringa thimiri heikanna

 

“Lamgi shanna machi sahngi ” , wakhalra kanthang heiyaso  “Aarhong waayei wongya Aak 

waa ahni kansha”, “ Aida i ling bi Ahaitrungsan hoini  katpukmak”, “Keiyei  lunglaagbao 

twonmakni deiyei lunglaagbao twonbi ” Ahnaksi thimini Maringa limra chuwngura. Heinaksi 

heiya hoimaknung kuyunpi thimi ahyari karhaalpilei. Maringa limnung khoini 

kuyunkanniri dhunbi klei Maringa literature khumuk lungni twoupi hoilanri 

literature mangmarou .

Heiya Maringa limyei  literature lungshipi thimini Maringa lwoura khwun,

 

taan , tahng , chou , khannim, marnim ahyei hil thungni   spelling kannainung. 

Heiya kuyunri khwun lailai hoi, mayeeri spelling khattomra.

 

Ahriyame literature termra 75% mangurouwa.

Heingamnung lhim thachari:-

Ang, Angba, Angkum,

Angi, Angtu, Angura,

Angtar, Angba,

Ahngkwum, Ahngi,

Ahngtwu, Aangura,

Aangtar.

M a r i n g a t h i m i yhoukannari thisitkril, tangchakaril ahya workhou

lwainii heirouwei yhoubi Maringa Literature thhang  klei hoirou malleime.

                                                                     Maring Students’ Union nei Office

Maring Students’ Union nei President Ch. Moshun duini âiyei committeerab lê MSU nung lhim  chancha bini BRGF nung scheme  l o u b i ni Grace Baby Class ,  Maringphai pangrei kat shabangbi  klei MSU office â ralkkur Mayun   (Dec.) 2011 rou waiyoukur hei   Sunna (Apr.) 2012 ril wairou   luilak nanung touroumeh toubi   MSU General Secretary, Ks.   Leinaikhamni uklum kya tloubam khoulei.

                                           MPSC yei prikha


2011, Manipur Public
Service Commission yei
dakrei prikha lânarou
Maringnga napung phli
preliminaryra passed toulei.
Thimi heirabri

1. Kodunson
Makunga, Minou
2. Kotrim Saka,
Chingkhan yonyer
3. Paul Nangsha,
Beaulahram lê
4. Parhai Kothil, W.
Phunal Maring.
5.Reikimdaar Khaling
Nanamma main exam
heiroukhi maipak hoiyaso.

                                                Lamkriyei Scientist

                                         Thangsha Dominic Kanshouwa

  A s i n u n g D e f e n s e R e s e a r c h & Development Organisation,

Bangalore rei klei. Kum 2002 rou wayoubini Airworthiness & Certification of Military Aircraft ra

lhou churbini leilei. MPFni âya murilbi tlou yunril narou, Maringnga Marnorab

nung asi toubini kyun, “Marno hukhatni Scientist hoikni yaowanungri âmasa

school rungchaan rou wayoubi âiyei kaningei ngamra lhangai duini kmu

hoirouda. Duini Science lê Mathematics ra ukning  kyao hoirouda”.

                                Christianity Ngamra Rev Kt Ami leh wari sakril

Christian ngamra  Rev. K.T. Ami lê Molung  M o s h i l K a n s h o u w a  mwurilbei lwou kuyunril.

MMK : Owchalê lwou   karbaanna khien fanei    Dwunpuya mathangchalei.

Owchaba Springle, Immersion khanni ahyei karlhikri

kwouwu?

Ami : Immersion ahyei  ngamri khieya manibi

r h i n g b a n g , k h i e y a  maniwura, Ahyei ngamra

B a p t i s t k l o u n u n g   c o u n se l l i n g k l o u y a

mayekloubini Springle   kloukur thiminikhe yayakhi

Immersion twoupilo  sunchanei keini Immersion

loupikur thimi napung 8   (chot) hoiyurame.

MMK : Owchani baptism  loupikur thimi kounhat

fawurawu?

Ami : Keini baptism loukur   thimisingri kandangniri

yunri manimakura 846 ri    duiwurame.

MMK : Mathangchalei,   Owchabani baptism klouna

programra hoikur ngamra   wari beicha sutpilo.

Ami : Keini baptism  klounara thimising chuwng-ri

Uwuipu yhultang thime 37,   thangra Konaitong yhulra

thimi 30. Dei dei   n g a m r a r i C h r i s t i a n

tharmoya karhakbei tarra  hoikur thimirapni keiyei

counsellingya loulhakbbaptism kloukur ngamra

D w u n p u r a p e e l n a hoikurme.

MMK : Owchaba keinikhe uwukra peellurame. Heiya
Owcha wari yehngpilo.


Ami : Maringa chiengsang k a n c h a n i k a n t h a n g
hoinakhou Non Christianni thangkanna thhim Y.
Mothil chhei 93 Langol Khunou ( thimirapni patar
Langkhahng), Patar ahni keiyei counsellingya
lhangaini loulhakbi 2011 k w u m r a b a p t i s e
loupikurme.
Keini tarra nipawanipiyarap baptism loukur
heirapri -
1. Dl.
Mothil chhei 87

2. Teon chhei 80,

Sandangsenba

3. A. Modahr chhei 86, W/

phunal

4. T. Koshil chhei

95, Kangoi yhultang

5. D. Kofam chhei 85, Satang


6. Dl. Tungtrim chhei 75,

Kampahng

7. D. Tedun

chhei 70, Langol

8. Dl. Angte chhei 97

9. D. Tungdahang, Tuinem

10. Y. Mothil (Langkhahng)
chhei 93


11. Y.  Morungin chhei 75 12. Y.
Tedahng chhei 93
13. T. Toshilthang, Langol khunou
tarrarap ahrime.


MMK : Owchabani thimi b a p t i s e k l o u n u n g
councilling heiya Dwunpu ahni kar-anpinei ngamni
thimiyei lhawai mhan maninei Dwunpu ahyakhi,
Owchabayakhi chwouni mathangchalei. Dwunpu ahni yhapiyenri hannuikhi
lwou karbaan hoiniyasu.


Amenn.


Dwunpuwei Shekriu Hoin iyasu

MK MOSHIL

Paava dwunpu biira chwouni mathangchalei.

Ngamri educationyei laanglamra thillni kyoubeikhe

Dwunpuni malungshipi thhang heini educational

lamra hwokaar khyaangni kaleime. Maringa limra

educationyei lhim lhangaini daari kwun 20 asinihuy.

Kwum beicha ahyei lakrei  Maringa limnung khoi

thhang thukkur examination kounhatra division holders

kleikur, educational competitivesra lhouva hoikur,

Medicalra, Technicalra, Uniform servicera, officer

rangera, Banking service-ra, pilot. Kangakyei
hwutthull, Dwunpu ahyei hwutthullme.


Hwungbei klei k w u m - c h a a n 2 0 1 2 whairakhe Maringa shekruii
neicha-rapni manraangbi klei MBBS, Engineering,
Civil Services, School. College, University
duini deidei examination kantangra Maringa Lhouva
thuwkna Dwun-puni fwor pipi hoiniyasu.


Amenn.

                 Dunpuni Phor Pi Hoiniyasu

MK MOSHIL

Paava dwunpu biira chwouni mathangchalei. Ngamri educationyei laanglamra thillni 

kyoubeikhe  Dwunpuni malungshipi thhang heini educational  lamra hwokaar 

khyaangni kaleime. Maringa limra  educationyei lhim lhangaini daari kwun 20 asinihuy.

Kwum beicha ahyei lakrei  Maringa limnung khoi thhang thukkur examination kounhatra 

division holders  kleikur, educational competitivesra lhouva hoikur,  Medicalra 

Technicalra, Uniform servicera, officer  rangera, Banking service-ra, pilot. Kangakyei
hwutthull, Dwunpu ahyei hwutthullme.


Hwungbei klei k w u m - c h a a n 2 0 1 2 whairakhe Maringa shekruii  neicha-rapni 
manraangbi klei MBBS, Engineering,  Civil Services, School. College, University
duini deidei examination kantangra Maringa Lhouva thuwkna Dwun-puni fwor pipi hoiniyasu.