Hou Ran Online: July-August-September 2011 Edition

Khung kaap Festival  Courtesy:www.maringnaga.com

 

Manipur PMT rouwei selection phakur Lamthakka Korungshil Charanga lê mukril

            Kumtu 2011 yei Manipur PMT rou Maringnga napung phali yenkhal lakrou L. Korungshil Charanga Laiching Minourei ai pawayei minni L. Angnai Charangaai nuwiyei minni L. Phamshim Charanga. Trinity High School, Meipourei matric passed klonni Millennium Institute of Sciences, Imphalrei +2 ralkur Korungshil aiya muril bini wari sanei report namma dakra mayelei:                                                                                                                                                

Hou Ran : Baimak nungkangai hoilei neiyei lakkana heini nei masa, bammai duini maringngaya dei   limnung   shak mutpi narou.

Korungshil : Keikhi baimak nungai lei.

Hou Ran : Manipur PMT arou neiyei attempt toukur kounak lung-ngako?

Korungshil : Hanthak kei aale khui lunga.

Hou Ran : Youkur attemptrou neiyei selection phathung maknei ngam kouko? Kou-kou suikur leiko?

Korungshil : Youkur attemptrou selection phathung maknei ngamri lailik-laisura neglect bai toukur.   Neglect tounei ngamri leina bi hei lailik-laisu paanarou bei nungai kwat heile plui-soupha    rabnikhi bei disturb toukur. Khatni, tuykhi bei watkur.

Hou Ran : Kapui Korungshil, neiyei khalnarou, tuy, ludok lhangai, laakna kal, laipaak ya phlitam  lakra Pre-Medical selection phanarou kouni naamrouwei lil hoiko?

Korungshil : Naamyer lakrou laakna kal ani lil hoilei. Hei thangrou tuy, ludok lhangai luinara laipaak   lhangai.

Hou Ran : Kapui, neiyei khalnarou nangni douwei youbi Imphal areara lailik loutam lanungri                               medical selection phanei chance duini leirou tou â yakniko?

Korungshil : Lhoubam hei keikhi yanilei.

Hou Ran: Maringnga lim lakra officer, doctor, engineer, PhD, MPhil, Sportsmen, artists kounak â  chungni mak â nei khalnarou puipaani duini suineiko nimak kanung douwarab/marnorabei                                     suineiko?

Korungshil : Keiyei khalnarouri, khnitamrak suilei. Heiya khnitam heirou puipaani duini suilei.    Puipaarabni douwarabya thilak waatlei, tuy â lil hoimakna lhoura duini yrengchalei.

Hou Ran : MBBS luila nungri kouyatourou toubi khallei?Civil Services nimak kanung dei-dei lhou   churbangninei plan leiko?

Korungshil : MBBS luila nungri Pediatrics ra Doctor of Medicine tounilei. Dei planri koukhi mak.

Hou Ran : Pediatrics paamnei ngamri yunpi yamak rouko?

Korungshil : Yarou, douwarab â chamai (diet) heirou care toupi/thilakpi â baimak waatlei. Heinei   ngamni douwarabya sepha touwei se toubi Pediatrics ya hoini khalkurmeh.

Hou Ran : Medical/Engineeringra selection phani yanungri naamyer rouwei lil hoi â kouko?

Korungshil : Laakna kal heirou Dunpuya sakkmu.

Hou Ran : Neiyei stdudeis luibini outside Manipurra lhou tounanung planri leiko?

Korungshil : Kei outside Manipurra lhou tounanung plan koukhi mak. Kai ram ârouwei puipaarab  bei thilak kwaat douwarabya puipaani lhangaini thikul mani nanung lhou churbang pamlei.

Hou Ran : Baimakni nungailei kapui, ashiyei katyou marnorabni medical entrance lhakani rabnung    neiyei sunkni kouko?

Korungshil : Keiyei sunkni ri

            1. Class/Coaching notes le objective tumni/pulni papilak.

            2. Nungkhat niyei marno pikur lesson hei, hei tlainirou revise toupilak.

            3. Naamrouwei lil hoini basic concept hei lamkrini munanung lakna pilak.

                        Nanam success hoiniyaso!

Lamthakka Korungshil le Facebook ra murilniyanri bi arou click toupilo

Matric prikha heirou Maringnga marnorab

          
 Kumtu Maringnga lakra Matric prikharou pass tounei châng â choulei. Kum kummei first divisionra pass toukhi katchung banglei.

           

            Hanui khalla nungri baimak nungkangai hakaraona hoilei. Heiya minni khalla nungri baimakni chikana hoilei ngamri Pallel arearei klei, Maringnga marnorab chungei prikha laana centrerab â baimakni ‘free’ hoilei. Maring Progressive Forumni Maringnga ramrei centre khatrou khaminni thilaknarou baimakni wakhal shukna hoilei. Baimakni free hoini note touyertom nimakni ocharab nikhi note chanthut-chanlak runghut hoini prikha lâ chungni thengkana. Volunteer rabnikhi note pithut-pilak, runghut hoini prikha lâ chungni thengkana. Sammei yunnarou prikha centre khatdei maong tek malmak. Ngari yorna pangkla keithilnak hoini thukkora.

            Nâmma â thilakrou authority tek makkorako? Mashanung mucha thimi changyeinung mubikhi mukanshamakkei klei chukmakkei klei chim ngaknung khou ui hei khoubi kounung kakana hoirou? Ui hei mucha thimini chamaiput bei pibi chukmaklo toubi shunnarou chukmakkei leikurko? Nimak kanung mucha hei baimakni pangkal kal mantrang klei thimi hoiyurnarou chuk-ngammakkei leikurko? Nimak kanung rathi neiko?

Mucha thimini chamaiput bei pibi them kya ui heiri dandi phabom thukmakko?Mucha thimiya chi ui heiri hulthutdurbi mucha thimiya chimak ui khatya khoukurni ngaimakko?Rathi ui heiri silkurni langai.Khataya hoiyanungkhi khatya hoiyanungkhi Matric prikhara chimmak lou tou,unfairmeans yrengcha aa duilaak hachekkura,baimak duichekkura.Maring Progressive Forummei inspection touna centre khatriuri marnorabni invigilator rabyakhi tek chipimak thengkna.Sun loubom aa lhangai hutlhaari nimak.ashitom chasundawanangri douwarab aa mangrouwa.

Maring Progressive Forum mei yunkniri thilakrou authority mak kanungri, nimak kanung authority leibikhi thilak manimak kanungri AMSU, DESAM, MSF nak thilak changrou thimi leilei. Yarabya thilak yerrasi.

            Prikhara silbi pass tou â kounak mangko tou â thilak malna wasi. Ashiyei douwarabni lailik pamakkhi kya, silbi heisi pass tourou tou munarou lailik pamaklei. Lailik pamakkhi pass tourou tou â douwarabbei ludokra leiyora nungri douwa kounak mangngu rouwa. Lailik pamak kanungri free kheen chungni leilei. Free kheen leibikhi carrom, chess, koukou recreation chungni maknei ngamrou kuichabi ranchabi, chuwar sannabi, soka sanabi, nisha sanabi kheen mangyerlei. Kheen lemni leiyanungri ngaosil knanei kheen leilei duini chance leilei. Chanceya leiyanungri ngaosil nalei. Thipilak matric examrei free      sil kyer lê douwa rabbei moral yenkwat lê mari leikril hoilei.

Pallel arearei klei Maringnga youthrab â moral yenmanglei, drug yrengchalei toubi Maring Students Unionnei. Heiya MPF yei shunkniri exam strict hoiyer lanungri problem â 100% solve tou changmak kanungkhi bairi solve tou manirou toubi chouni khallei.

            Heiya kheen arouwei shunkniri exam strict hoiyasi toubi chouni laokhou thimi kounakkhi aicha-ainao rabni matric layeinungri free hoi centre yatom paamlei. Keicha keinaoya klaini lailik pamakni pass touyernung lakkna 

heini hillei katyou douwarabya mangyernei lammeh touri tek malumpimaksi

Maringngayei Ram (Land)

            Kum phanga-thruk maibangrou Maringngayei ramra dei limmei/chatdei thimi â chungni leikhoumak. Heiya angturi dei limmei thimini nungkhat-nungkhatdei thang-thang katchung banglei. Issue â hek karliknung kya khatri nimak. Ningthuk dasi, angtu Tripura statera bangei louklei Indeginous triberab â angturi Bangladeshrei hungchang thimini majority hoiyura. Political lifera miramrei thimi yaomak kanungri government shimchang maklei. Bangnungri Tripurarei klei thimini refugee problem â baimakni klaini khalkur. Hei ngamni angturi baimak klahni ringlei. Maringnga ramra heinak problem hei thukmak nanung kousi tousirouwo? Maring Uparab Assemblyni kou position/ resolution dâwurla? Asinungri refugee problem â serious hoimak khuime toubi heisi leibi Tripurarei thukkur nakrimni serious hoiya ngakbi leiyasiko?

            Maringnga ramra refugee problemri nungkhat-nungkhatdei yendui lakweirou ngamri phailai rari hutsu shim thimini deiramrei thimirab (mayangngarab) cheemra kalenglaka toubi hulthutnei ngamni ching ramra yentuklaklei. Hei duini India government nei Look East Policy toubi tlaini thukna langrei klei leipakrab touri China, Burma, Laos, Cambodia, Singapore, Vietnam, Malaysia dei dei leipakrab lê lal-ol (trade) nanungei policy tangni churbangbi leilei. Heiyei sakhiri Khuga Dam luilak nanung kallei lakkna heiwariya. Manipur râlbi thakrei yunkur leipakrab lê train service leirou youlei. Baimak tang  Asian Transnational Highway simrou youlei. Heini situation heirou kâni koutoubi palrou? Kairam â refugee rab hungmakrou toubi guarantee leileiko? Asinungkhi churbang nung lhou chungni leilei. Kai ram â hunungkhi yornung yâmakrou da. Transnational highway nung ram govt. ni loubikhi compensation phananung kanam mani

lhou tourouda.

Hou Ran Online Special Issue

Maring traditional Dance Courtesy:www.maringnaga.com

Campaign for Nungkaap

By:Moshining Tontanga

Dear all,


Time has come for all of us for a change. 

What change ... ... .. A change to proclaim our Identity.

Dont we have Identity? Yes we do have our identity. 

But then why change? 

A change for strenghthening our Identity.

As you all know there happened to be annual gathering at one of the villagesof Maring like MNBA Association.It keeps burden to the host village. It makes known only to ourselves nobody elso know about us.
I really prefer the way Gang-ngai is celebrating.


Why cant we organise at one place somewhere around Imphal valley so that our ulture and identity are exposed and known by majority tribes?



*Every villages would contribute something for the occassion. Every villagers would participate on the occassion.
**Every items would be included during the function. You name it we should have it type.

**Preaching, war dance,



**Folk song, beauty contest, History and everything.*
We can call it as "NUNGKAAP FESTIVAL"
Let us start campaigning for happening the festival as soon as possible.
Hoping to get your ideas from all of you


Yours truly

Please share your views. 

MOSHINING.

YoYou may contact the writer at molung.kansou@gmail.com or at Facebook by cliking here

Ka Maringnga

Mayepi:Maylightson Tontanga

Keiyeikhi chim                                                            Keiyeiri klal

Neiyeikhi chim                                                            Neiyeiri chim












Keiyeiri chim                                                                 Keiyeikhi klal


Neiyeiri klal                                                                  Neiyeikhi klal





Ka maringa thimi kantangyei ukningra khalrillei. Heiri tlou touna kantangra keiyei khalbi duini toubi kalei heini chimmura. Leipak-kei,Church yei,phung-yei, Area yei duini tlim-yeitlou tounara keiyei touthut lou heini chim, keiyei khalthut idea heini chim toubi mayunglei.

Fig ahyei. Lower Left Corner ahrou kai asiyei kalei Maringa thimi yei khalkaril wakhal ahya mutlei. Tlou bam kantangra keiyei khalthut duini touthutbi kalei tlou ahni chim. Neiyei khalbi duini toubini kalei tlou ahri kalal. Keini duini chim, chim heiri keitam tomni.Asi toubini khalbini kalei ahniri koukhi langai duini chim ahya muphamakrou.Kounirou khi ka Maringa tlim ahya tangbang changmakrou.



Fig ahyei Upper Right Corner rou keiyei khalbini duini toubini kalei tloubam kantang kalal-lei.Neiyei toubi kalei tloubam kantang chiemlei toubini mutlei.. Ahnaksi wakhal ahri baimak -kei ukning mandi wakhal meh.

Fig ahyei Lower Right Corner rou keiyei khalkhi, neiyei khalkhi chimmak toubini mutlei. Asi toubini khalrilbi kalei yanri tlim ahya koukhi tangbang choubang makrou.


Fig ahyei Upper Left Corner rou keiyei khalkhi, neiyei khalkhi chimlei.Keiyei khalnara kwat duini klal ahya nangni chimyerlei toubini mutlei. Tanghakni leipak, yullai, church duini tlim ahya tangbangnarou thimi kantangyei responsibility hoi.
Anaksi wakhal kleibi touthut tlou hoiyanri suimakni tlim ahya tangbang manirou""

To connect with the writer on Facebook click here
 

HUMBLE THOUGHTS ON KHOIBU ISSUE 


By:Korouphun Tantanga


 Issuing and counter issuing self-justified statements over the same matter time and again without giving even the slightest thought of delving deep into the veracity of the reasonable stance and records would only intensify our hatred, devoid of a scope for opening a humane window to come over a negotiating table for an amicable settlement of the present lacuna.       I had no grudge feelings against any individual(s), organization(s). The author of a book knows better than the readers  about the said book. Thus, the explanation and revelation of the intention by the author towards writing the said book cannot be questioned because, who is in the better and juristic position to explain far better than the author himself who pen down and published? 

 I know who my progenitors were, where they came, and how we merged with our fellow brothers and sisters. Precisely,our progenitors, who lived together, dispersed and met at the intersecting point knows the reason more than their off-shoots; the reason why they should again live together like ever before. History, Culture and Affinity  were the only reason for the extant conglomeration of various home-dialect groups into Maring tribe.

The truth of our progenitors was the only mistake being committed as the adage goes "truth is bitter". Unfortunately , they were so naive and ignorant to realize that their progenies would dilute their heart-yearning emotional attachment and spirit of true brotherhood in the days to come. they were so naive to understand that their progenies  would invent an unfounded history, culture and tradition asan excuse to break the cohesive chains of the ancestral  pride by asserting one selfishness, idiolic, heartless and outside-ism like in the present case. to every problem there is a solution because problem which do not have a solution cannot be accredited as a problem.

  I can see that khoibu issue has no solution which implies that it is not a problem; therefore, we should not see it as a problem. rather it is a slight and petty misunderstanding demanding merely our sincerity and efficiency. wait and see who else would come to our rescue? let us conceive the truth in an unbias mindset; see, in the name of compassion, pecuniary and moral aids, and other related contributions by the outside elements, how much our people are degrading. their intentions and actions often differ and contrast as they are aware of the fact that in our weakness lies their secret strengths; don't we discovered?

 Can't we see that in every benefit our people are at loss?

Come on! its high time to give a sane thought over the finest realistic base of you and me. It is my humble request to Maring leaders, intellectuals and particularly to the youths to relieve themselves from the clutch of darkness and ignorance; stop criticizing amongst ourselves rather to delve deep into the root of the issue.we, the youths are the future. The future is ours. Let us not commit the   make mistakes our so called leaders has made. I am not downgrading the sacrifices made by our past leaders. But as the world changes, so also the Marings.

 Let us forgive and forget the past mistakes because only then we can discover our secret strength.

I pray to our almighty GOD to give the leaders of both the parties to endow them a sound mind and body so that our ancient pride of utmost integrity and supremacy is maintained to fulfill the decade longing of our progenitors whose disgruntled souls are watching with tears of remorse and unyielded  desire to build the strongest house that belongs to you and me.

(The writer is General Secretary ,Maring Marnorap ,Delhi.He is from Yulbi Yultang)

To connect with him on Facebook ,click here.You can also email him at kk_taang@ymail.com.

Hou Ran Online July-Aug-Sep 2010 Edition

HOU RAN

                                                                        (New Voice)

 ISSUE NO. 3            thehouran@gmail.com             MARWAN-KULKA-MANCHUN 2010

Pretty Maring Girls In all Their Traditional Finery

Editorial...

Maringnga Ramrei Churbang Scheme / Project rab

Maringnga ramrei churbang scheme/project chungni leilei. Yâ heiri Sarva Siksha Abhiyan, Mid-Day Meal, Water Supply scheme, ICDS scheme, heirou dei dei. Heiya yaithi khatni heinak schemerab â tek langaiduini churbangmakmeh tounarou kral hoimakrou khallei. Scheme kounak â thimi baiyei mucha-mumaina scheme hoilei tounarou loukchimrou toubi khallei. Mid-Day Meal, Water Supply scheme kounak churbangbikhi chêra tomnilei. 

Heiya Maringnga kaiyei youkana khatni heinak mucha-mumai, tuy loubi lhouri toumak nimakkanung namyernung pishunda put kounak â loumuchâlei tou mubikhi koukhi yunthut naimaklei. Heiya ashitom heishi leiyanungri hilrou Maringnga kanung baimak mangchâ hoirou. Lou churmakkhi koukhi baimak, scheme yâtom hulcha hulmaibini ringmanirou toubi khal thimi â Maringnga ramra katchungbangkur â langai hutlhari nimak. Anakkei wakhal âni ka Maringngayei lakra râthinei wakhal chêlyerlanungri ka Maringnga â tek tangbang choubang changmarou. Mucha-mumai kni thimini thimkur limni koutoubi tangbang choubang mani rouwo? Kounak Maringngaya tangbang choubang yerrasi toulanungri kanamnung kakana schemerab â thimi baini mucha-mumai â thingrou dâ. Keichameh-keinaomeh toubi kalbangnei darkar damak.

RTI Act yei kakana kanam phamalna wasi. Khatni dei dei schemerab khi kalni thilakkasi.

Lam simyeinung quality mak-klei khi thiyasi, water supply scheme, MUA office, MNBA hostel luichangmak nei ngamkhi thilhakkasi. Mitsing-nasingni leiyasi. Ka Maringngarab, tlouyunthut changmak pang thiminak leimakkasi. Village Authority rabnikhi yul-yulrei churbang schemerabya kchimni thilakkasi.

Maringnga yei Education System

Nungkangai khatni angtu ka Maringnga khi MBBS, Engineering entrance examrou dei lim touri Khamawa, Vaiphei, Kom, Hmar kounaklê thirilnarou baimak chouni selection phâlei. Hanui khallanungri baimak pêlnalei. Heiya doctor, engineer khat khani tomni Maringngaya tangbang choubang manirouko? Khalnawasi, thimi namma Doctor, Engineer hoimanimakrou. Khatni, development tou âri thimi nammani lhailik laisu muyeinung tom hungrou. Matâng ârouwei shun kniri Maringnga yei education standard â choumakkhui. Lhailik marno phamakkei klei thimi chungni leilei. Heirou khatni baimak klaiyei, kommei Matric/XII prikhara silbi pass toukur, lhouri phachangmakni certificate tom chur thimi baimak chungni leilei. Maringnga ramrei klei uparab, yukkhalpilak. Pallel arearei Matric nimanung XII prikharou silbi pass toulei tou mubikhi mul klei â tangei langaimakmeh tou hoimakrouko? Ashiyei Maringnga marnorabni Pallel areara centre koungammei dâ-kani? Lhailik pâmakkhi silbi pass toumanirou tounei wakhal â douwarabyei ludokra leikor âni marnorabya nungkhatni suimakni mangyer rouwa tounarou kounak lalrouwo? Ashitom chashunda lanungri Maringnga marnorab â mangngu rouwa.

Puiparab, yukkhal pilak. Class X/XII certificate tomni ashinung kouya toumanirou? Heini, quality education leinanungei exam centre â strict hoiyer rasi. Kalni lhailik laknamak kanungri tek pass touchangmarou tounei wakhal leiyer rasi. Heinak wakhal leiyerrou toulanungri old course heirou new courseyei prikha â baimakni strict hoiyer rasi. Pura strict hoiyerbi rilrari free silyernei youkana hei bai dongyer rasi.

Maringnga kaiyei tlou (dialect)

Hanthakkei UNESCO yei listra Tarao, Moyon heirou dei dei tlou bai mitdura tounei lhouthuk â Maringnga kâlê mari baimak leilei. Maringnga tlou â mitmakkhui heiya tlou â tangbang choubanglei toubi yun-yâleiko? Kâ masâyei literature touri kanyerna (seireng) heirou wari-warêng kounak leileiyo? Tlou khatya tangbang choubangngura tou muweisi toulanungri tlou heiyei literature thiroudâ. Heilângra khallanungri Maringnga tlou â mitmak kanungkhi baimak tulbi leilei (thâk choumakkhui) tourou dâwora. Kai Maringnga tlou â tangbang choubang yerrasi toulanungri tlou â kheensêrrou yrêngcha wasi.

 * Maringnga kailakra pârton (invitation) piril yeinung Maringnga tloura maye rillasi.

 * Kummei Khristmass lê Kumran lhouronei duini kai limmei lhouthuk kantang ngei lhoulammei programme Maringnga tloura maye piyasi duini yrengcha wasi.

 * Khristmass duini dei lhouthuk ra Bible recitation heikhi kai tloura pâ shingna yerrasi.

 * Maringnga yei sillam rabni office circular, memo, muyerna (notification) kai lakra pirou dâwanungri Maringnga tlouratom maye piyasi.

Maringnga tlourei maye kanyerna heirou dei dei lhailik mayerabya ukning thoubang piyasi, yai maye lhailik rabkhi pâwasi neina malnawasi, kalal neimakkanung kwat sam kounak yaowanungkhi shunthutpiyasi.

Thakrei shunkur tlou namma â touchilanungkhi Maringnga tlou â tangbang choubangrou touri shunchangmak. Heiya ashiyei katyou douwarabnung Maringnga tlouya malungshinei wakhal chel maniyanungri nungkhatni nimanung nungkhatniri suimakni tangbang manirou toubi uklumlei. Khamawa tlouri Manipur Boardra tomnimakni CBSE rakhi marnoyerlei. Heirou Jawaharlal Nehru University rakhi marno yernanung kalni lâknalei. 

Kai Maringnga tlouri kousi toulei?

Klu lhourap

Kul              -        area/region                     

Hutlha        -        example

Râthi           -        lazy                               

Lhouthuk    -        function/event/happening

Lim             -        tribe/community/group    

Marno         -        study/learn

Ludok         -        brain                              

Tlou            -        word

Lhou           -        work                              

Kanyerna    -        poem

Tul              -        backward                       

Tool            -        rice beer

Lhouro        -           welcome

Hou Ran Online April-May-June 2010 Edition

HOU RAN

                                                                        (New Voice)

  ISSUE NO. 2          thehouran@gmail.com             SUNNA-PHULWA-THUNMA 2010

A Maring Cultural dance in progress

Editorial...  

Mângkur kya laa/phungrol:

Yai lhangai khatni Maringnga yei youkana châkaril (culture) yaa malungshibi mângyer nimak thimi baini Maringnga yei laa duini phungrol â mayêthutbi khoulei. Heiya yai thi khatni laa/phungrol â mayêthut bikhi tune/beating mumaknei ngamrou kakanâ chungni maklei. Baimak uksâ laisânâ khatni ashiyei tarrayei chaan (generation) â raalkur hilrouri Maringnga yei laa/phungrol mukhei thimi makkurnei kheen hungthuk kya.

Kousi tousirouwo? Kânâm pulbi Maringnga yei laa/phungrol â video recording tounei darkar baimak hoiyoramêh tou khallei. Tuy, kheen baimak changkur kya. Heiya kaiyei Puiter-Pateryei lakkhoupi man naimakkei lal â maangkur lê huni duiyoh? Minni kânâm khallasi! Wakhal mandi thimini chungora ashiyei Maringngari. Keiyei cheemmaini lhou tang chur, officer nimak kanung tuy tangni chur hoinanung laknayen lim/chatiyei culture mângkurni hâlrouwa.


Wâkhal mandi makkasi, tangthutdasi. Kheen arou MUA yei Art and Culture Cell yei attention buchâlei.

Maringa chingshâng kartuk:

Meipou, 12 May 2010: Râlkur 6th May, 2010 Maorei thuknimak lhoubam thukkur heiyei ngamrou

Maringnga chingshângyei upârap, ochârap, yinglam kounakkei lu urpurap kounakni thukbini

Meipou Community hall rou kartilkur.

Heirou lil hoini

i. Term luiyobikhi kheen châni election touthungmak nei ngamni election toubang nung hallei MUA executiverap ni lhun khyum caretaker hoipilaksu toubi darilkur.
ii. Kâiram rei thuk put touri heeng, chaa, shai duini kalei khou kya anna-louna phâi ramra malet yamakrou toubi darilkur.

iii. Information centre khouwasi toubi darilkur.

iv. Râlkur 10th May, 2010 Khangshimrei thukkur lhoubam heiya khi yânimak phungthutkur.

Nungkangai phungthut:

        Dangshawa Angkham

Angtu keini HOU RAN tou ung tangla lhunsummei (quarterly) Houlâ (Journal) âya pabi thinarou baimak malungshina nungkangai puklei ngamri angtu Maringnga upathal hangra Lim (chati) nunglhim lhou tou thimi wâtdanungkhi douwathal hangra kâmaringnga Lim nunglhim wâdtourou (serve) thimi lei leimeh tou â muchanglei!

Kchim, angtu kâmaringnga â ipbi leinung kheen ningmakora, ipmak-neimakni, chamak-maimakni lhou pangbi leinung kheen hoiyora, mini (other community) pung fanga (five hours) lhou panglanung kâri (Maringnga) pung chip (ten hours) lhou pângrou dâmeh. Mini pung fanga lailik palanungri kâri pung chip lailik pâroudameh! Hei ningmakanung kâri miyei hil chanthung changmarou.

Yunneise toulanungri kâmaringa âri baimak tul limri nimak ngamri kâri nakedkhi nimak, tol (bread) shai thimikhi nimak. Bongei nutar pâtaryei chânrouwei youbi shrim (mithun) hatbi kumei toubini, tul mongbini, tui tuiya chakamaibi nungkangaini leikhou limêh. Khyingni yunneisi toulânungri kâmaringnga âri nungkangai duikur limmêh.

Yâithi (unfortunate) khatni angtu kâmaringa âni kalni lailik tambangna kheen arou khwairou lhangaimak gun culture, insurgent problem âni kâiya markholbi (disturb) leiwora, mi dei dei limri 60% lailik heibini officer hoibini Manipurei administration heirou shiruk yabi leilei. Kei yuniri kâmaringnga lhou tounung chungni leiwora, lhou tourou thimi makkura! Kâ kheen mângyer makkâsi, tuy mângyer makkâse, mitseng khângase, prathana toubini Dunpunung buchâwâse, mi IAS/IPS officer khatdei châ-nao le, Kâi mut thei yorbi anna-louna yorbi lailik tambâng châ-nao lê kou singkana yerou dâmeh.

Editorial...

MPF bei nammanung yunkni:

Maringnga ramra organization (sillam/yinglam) chungni leibikhi lobur (constitution) â kandang wâtnei ngamrou lhou churbâng yeinung baimakni problem leilei. Hutlha hoiyei shunnarou Maring Uparap Assembly yei executive (sillam) rabni term luikur ngamni ADC election issue, Muivah yei cheem kalêngnei issue yei ngamrou lhangai duini lou churbang changmakkur. Lhoubom â baimakni klu hoilei ngamri ânak klu kheen ârou Maringnga yei apex bodyni lhou touchang makkei leikur â baimakni dangerous hoilei. Hilrou ânak
condition kalengni thukmak nungei MUA yei constitution â shimchut yêrnilei. Term luiyobi khi emergency situationra election toubangyên caretaker executive leiyer nilei. Khatni yâwa nungri executive election â hilrouri kheen châni touyer paamlei.

Klu lhourap:

Sillam/Yinglam - Organization

Lobur - Constitution

Kandang - Clear

Houlha - Journal

Hutlha - Example

Kchim - Right

Cheem - House

Sunna - April

Phulwa - May

Thunma - June

Hou Ran Online Jan-Feb-March 2010 Edition

  HOU RAN

                                                                        (New Voice)

 ISSUE NO. 1        thehouran@gmail.com       KUMKA-KUMSA-MATRAO  2010

               

A Maring traditional dance in progress

Kou ngammei HOU RAN phung:

Maringnga kashi khatle khat interact toukril, pao phaokril, kmu kounak leiyanungkhi shunthutril â baimakni watlei. Kaiyei lakra

          1. Upani - upanung

          2. Upani - douwanung

          3. Douwani - upanung

          4. Douwani - douwanung

kou shunkni klei, kou idea discuss toukani nimakkanung kouwa expect touwo tou - â     murilmaknei ngamni kai lakra communication gap tangni leilei. Communication gap â leinei ngamni development hoi manimak lei. Aanak communication gap â filled tounanung HOU RAN journal â   phungkurmeh.

Angtu ka Maringnga lim â baimak klu kheen hunglungameh. Kaiyei Kulyom, youkana, yrengcha phirul, maringnga lhou, namyer â mangkur yaanei kheen hunglungura. Aanak kheen ârou ka ipbi lei yaamak kura. Ka khat lê khat lhou taanarilnei kheen lungora. Ka Maringnga ri khatsi hoinei wakhal (sense of unity) tou â baimak watnei ngamni tangbang choubang makni leithungkurmeh. Aanak problem â namyer solve touchangmak kanungkhi Maringnga douwa khat hoini kayei manicha koukhatcha hoiyanungkhi toukhouweishi toubi HOU RAN houlha â phungkurmeh.

HOU RAN journal aa koutoubi phungrou:

Hou Ran houlha â tangla lun khyum kaalbi phungrou houlha meh. Houlha â special writer mak. Thimi  hukhatni  Maringnga le mari leikana issue touri sports issue, arts  and  culture rei issue, political issue,   social issue etc. yei ngamrou âyei mayekani hei mayepi yaarou.

DEI DEI churbangrou lhourap:

1. Internet blogging:

Hou Ran houlha âya hard copy ra paa phaamak thimi touri Bangalore, Delhi, Mumbai nimanung deiramrei leikurrap nungri internet ra hoini phungrou.

2. SMS service:

Hou Ran houlha lê mari leikana SMS service leirou. Maringnga lhoura

     a. SMS News Alerts

     b. SMS Opinion Poll

     c. SMS Discussion Group leirou.

3. Maringa yei ngamrou project:

Hukhat ni kounak lhoutou kaniri klei heiya tui nimak kanung lhoutou malnarou thimi kawaat leiyanungri Hou Ran houlha ni âyei paam hei touri tui hoiyankhi manpower (lhou toumal narou thimi) hoiya nungkhi phaarei nanung laaknarou. Koutoubi laaknarou toulanungri aayei paam project touri Maringnga folk song recording hoiya nungkhi, nimak kanung houlha phung hoiya nungkhi, dei dei   hoiya nungkhi heinak project ngamrou Hou Ran houlha ra katpi bangpilak. Maring Progressive Forum ni heinak project hei phungbini lhawai klei thimi rapnung pao phaayerrou.

4. Maringnga lhailik Archiving:

Maringnga yei lhourei phung lhailik maangkur kya, khman lhailik leiyanungri Maring Progressive Forum nung pao pipilo. Heinak lhailikrap heiya mangyermak nanung kani scan toubi computer hard diskra khourou. Computer hard  diskrei  khou  lhangainei  ngamri  hard  copy lhailikri khrangni chitkur,  nimak  kanung  mangkur  kya. Lhailik hei scan hek luibi suimakni malengpi roumeh.

Nanamyer nung MPF yei appeal:

Hou Ran houlha â hu deinung nimak, huweikhi nimak, kanammei houlha meh. Houlha âya mantrang laakpilak. Serious hoi issue rap yei ngamrou article mayebangpilak, phungeise. Phungkur article rapya paapilak, neinapilak, yanimak - yakni shunpilak. Phungkur   article rapbei ngamrou mot pibang pilak. Discuss toumal nawase, debate touwashi. Kouni lhangai-lhangaimak thimal nawase. Neiyei keiyei kmu, shunkni shunthut dasi, deirapbei shunkhi ningasi. Ka Maringnga rap, keitam tomnung khal donglakkase, wakhal mandimakkase. Maringnga chatie kayei kheen hunglunga meh. Nangri kouya khalleiyo?

Nanammei sepharou

“HOU RAN”

Lhoubam khat:

Houlha ârou wei kyao kchimmak lhou, wahei duini spelling kral kounak yaowa nungri marthing thutpilo. Heirouni houlha âya tangbang - choubang nanung nanammei kmu duini mukhei katyun pilo. Houlha heirou Maringnga lhou âya duini tangbang hoinanung. Nammei suggestion nimanung advice ya lhourolei.

Klu lhourap:

Kumka        -        January

Kumsa        -        February

Matrao        -        March

Lhou thuk   -        Event/happening/function

Lha              -        Image/Photo

Marnorap   -        Learners/Students

Hutthul       -        Present/Gift

Kulyom      -        Custom/Tradition

Yrengcha    -        Use

Rumpi        -        Help